Ek wil graag 'n beroep doen op al die De Bruyn's om asseblief ou foto's of ou dokumente aan te stuur. 'n Skandeerde afdruk sal die werk doen en indien julle nie 'n skandeerder het of by 'n foto ontwikkeling winkel kan uitkom nie, laat weet my gerus en indien dit moontlik is kan ek 'n besoek bewillig (hoopenlik nie te ver van Pretoria af nie)

Petrus Frederik (Pieter) de Bruyn * 10 Mar 1799 ~ Graaff-Reinet 25 Aug 1799 † 'Klippan', dist Sannieshof 23 Sep 1890 x Cradock 13 Sep 1818 Philippina Maria Charlotta SCHUTTE † 10 Jun 1875 d.v. Philip Wilhelmus Schutte en Aletta Maria Engelbrecht.

Pieter het aan die slag van Bloedrivier deelgeneem en hy was een van die stigters van die Gereformeerde Kerk op Rustenburg. Hy het geboer op die plaas Klippan en in een van die Klippan begrafplase is hy Noord begrawe saam met drie ander (omdat die Voortrekkers Noord getrek het).

Bron: Geslagregister De Bruyn-De Bruin-Du Bruyn, GFC de Bruyn; Foto: Gedenkboek by geleentheid van die Eeufees van die Gereformeerde Kerk in SA 1859-1959, p346, Potchefstroom; en besoek te Klippan